Одете напред за да пристапите до предложените резултати

    Угостување лица со потреби за непречено движење низ домот

    Угостувањето на гостин со потреба за непречено движење низ домот е исто како угостувањето на сите други гости. Како што би му излегле во пресрет на гостин чувајќи му го багажот пред пријавувањето, така постојат и мали начини да го направите сместувањето поудобно за вашиот гостин. Она што го прави сместувањето пристапно зависи од гостинот. Затоа најважно е да обезбедите јасни и точни информации за вашето сместување и да се погрижите да комуницирате со гостите.

    Еве неколку упатства за создавање пријатен престој за гостите:

    • Одговорете им на гостите ако имаат прашања во врска со сместувањето. Одговарањето на само неколку прашања знае да остави особен впечаток.
    • Бидете подготвени да прифатите разумни барања, како преместување на лесен мебел или други мали промени ако е потребно. Особено помага создавање безбеден простор низ кој човек може лесно да се движи.
    • Вашите вештини за угостување придонесуваат за одлично искуство, затоа бидете она што сте.

    Од вас не се очекува:

    • Да претпоставувате какви потреби или барања би имале гостите и/или да одлучувате дали вашиот простор би му одговарал на некој гостин. Комуницирајте со гостите и дознајте што им треба.
    • Да го реновирате сместувањето – секој простор е уникатен и различен, а најважно е точно да ја доловите таа информација.
    • Да правите промени кои не сте во можност да ги направите безбедно или разумно, како што е преместувањето тежок мебел. Разбираме дека и домаќините може да имаат свои физички ограничувања кои ги спречуваат безбедно да направат некои промени. Затоа, контактирајте со гостите ако не сте во можност да им ги задоволите потребите.

    Секое сместување не им одговара на сите гости, без разлика на тоа дали имаат потреби за непречено движење низ домот или не. Со дефинирање на очекувањата од гостите преку точни информации на огласот и прифаќањето разумни барања, го оптимизирате бројот на гости кои можат да престојуваат во сместувањето.

    Како да го направите поудобно вашето сместување

    Пред да направи резервација, гостинот може да ве замоли да направите неколку работи за вашето сместување да биде посоодветно за него.

    Повеќето барања се решаваат за помалку од 10 минути, а може да ги додадете и во вашата редовна рутина за пречекување на гостите.

    Примерите за разумни барања вклучуваат:

    • Поставување предмети од домаќинство на место на кое ќе се договорите со гостинот пред тој да пристигне (на пример, поставување садови на ниска маса за гостинот да може лесно да дојде до нив).
    • Преместување на лесниот мебел (пр.: поместување на фотелја или маса за да се создаде поширок простор за минување или поместување предмети за слободно да се пристапи до штекер)

    Сами проценете дали некое барање е разумно, но запомнете дека не можете да одбиете резервација само затоа што гостинот има попреченост. Ова не е во согласност со „Политиката против дискриминација“ на Airbnb, која ја поддржува нашата посветеност кон пронаоѓање безбедни и пристапни сместувања низ светот за сите наши гости.

    Дознајте како правењето висококвалитетни фотографии од карактеристиките за пристапност за лица со попреченост од вашиот простор може да влијае на резултатите од пребарувањето во „Центарот за информации“.

    Ја добивте помошта што ви беше потребна?