Што треба да знам пред да присуствувам на онлајн доживување на Zoom?

Zoom е платформа за видеоконференции во облак од трета страна и може да се користи на десктоп компјутери, таблети и мобилни уреди.

Системски барања и интернет-врска

Пред да присуствувате на доживувањето, проверете дали вашиот уред ги исполнува системските барања за Zoom и тестирајте ја интернет-врската така што ќе се приклучите на пробен состанок.

За да дознаете повеќе за системските барања за десктоп компјутер, прочитајте ја статијата „Системски барања за компјутери, Mac и Linux“ во „Центарот за помош“ на Zoom. За да дознаете повеќе за системските барања за мобилни уреди, прочитајте ја статијата „Системски барања за iOS, iPadOS и Android“. За да ја тестирате интернет-врската, приклучете се на пробен состанок.

Одржување на приватноста при користење на Zoom

Вашата приватност ни е важна. Еве ги чекорите коишто ги презедовме со цел да помогнеме во заштита на вашата приватност во текот на онлајн доживувањата, како и совети како вие да ја заштитите приватноста при користење на Zoom. Доколку некое од следниве подесувања не биде применето за вашето доживување, за тоа ќе ве известиме пред да резервирате.

Како Airbnb помага да се заштити вашата приватност при користење на Zoom:

• За секое доживување се создава случаен идентификациски број на состанокот (ID) заштитен со лозинка
• Доживувањата не можат да се снимаат на Zoom
• Видеото на гостинот се исклучува штом ќе влезе во собата за состаноци на Zoom
• Гостите не можат да ги споделуваат своите екрани за време на доживувањето
• Гостите не може да разговараат еден-на-еден со други гости преку Zoom
• Преку Zoom не се испраќаат датотеки
• Функцијата „Чекалница“ е стандардно вклучена, овозможувајќи им на домаќините поединечно да ги примаат гостите во собата за состаноци на Zoom

Совети за како да ја заштитите приватноста при користење на Zoom:

• Не споделувајте го линкот за состанок на Zoom заштитен со лозинка со никој друг
• Користете ја најновата верзија на апликацијата Zoom
• Бидете свесни за вашата околина и за она што е зад вас кога сте на камера – домаќинот и другите гости ќе можат да го видат тоа
• Исклучете го микрофонот дури да се подготвите да зборувате
• Внимавајте кога ја користите функцијата за групен разговор бидејќи сите учесници ја читаат вашата објава
• Доколку не сакате да им го дадете целосното име и презиме на гостите и домаќините на вашето доживување, кога се најавувате на Zoom можете да внесете различно корисничко име или да го внесете само вашето име
• Ве молиме не правете слика од екранот или не фотографирајте ги домаќинот или другите гости без нивна дозвола

Затворени титлови

Со цел да им го олесниме приклучувањето кон онлајн доживувањата на лицата со попреченост и други потреби, ја овозможивме функцијата за затворени титлови на Zoom. Услугите со затворени титлови може да ги обезбеди домаќинот, кодомаќинот, Zoom или трети даватели на услуги и може да не се достапни на сите јазици.

Пренос во живо

Во некои случаи, онлајн доживувањата може да пренесуваме во живо преку користење платформи како Facebook, YouTube или Kaltura. Дознајте повеќе за начинот на кој се пренесуваат состаноците на Zoom во живо на YouTube и Facebook во „Центарот за помош“ на Zoom. Доколку Airbnb доживувањето се пренесува во живо на некоја трета платформа, ќе ве известиме пред да резервирате.

Каде да се најдете со вашиот домаќин

Во вашата е-пошта за потврда ќе добиете линк за приклучување кон онлајн доживувањето, а истиот линк ќе го добиете и во е-поштата за потсетување која ќе ви ја испратиме пред почетокот на онлајн доживувањето. Може да го најдете и во информациите за вашата резервација на страницата „Патувања“.

Најавете се на Zoom најмалку 5 минути порано за да проверите дали сѐ функционира како што треба и за да бидете навреме за доживувањето. Важно е да се напомене дека домаќинот има опција да ги одбие гостите што доцнат и дека гостите кои ќе пристигнат со задоцнување не ги исполнуваат условите за враќање на парите. Дознајте повеќе во нашата статија за „Правилата за враќање на парите на гостите на доживувања“.

Проблеми со Zoom

Проверете дали го имате точниот линк за онлајн доживувањето. Ако линкот не функционира, затворете го Zoom и повторно обидете се со линкот. Ако сѐ уште не функционира, испратете му порака на домаќинот за да потврдите дали има проблеми со Zoom.

Ако Zoom ви бара лозинка, испратете му порака на домаќинот преку Airbnb за да ја побарате.

На крај, ако домаќинот нема никакви проблеми, посетете го „Центарот за помош околу Zoom“.

Проблеми со приватноста или безбедноста во текот на доживувањето

Ако наидете на некоја несоодветна содржина или имате проблем со приватноста или безбедноста во текот на доживувањето, контактирајте со „Поддршката на заедницата“ на Airbnb и пријавете го. Доставете што е можно повеќе информации и Airbnb ќе го истражи проблемот.